Бишкекте милиция жубайын сабаган жаранды кармады

Бишкек шаарында жубайын ур-токмокко алган деп шектелип 32 жаштагы жаран кармалды. Бул тууралуу Ленин райондук ички иштер бөлүмү билдирди.

Маалыматка ылайык, кечээ, 16-январда милицияга аял киши кайрылып, күйөөсү сабаганын айткан. Факты боюнча Кылмыш-жаза кодексинин 138-беренеси (Уруп-сабап кыйноо) менен кылмыш иши козголгон. Тергөөдө шектүү буга чейин да үй-бүлөлүк зомбулук аракеттери үчүн бир нече жолу кылмыш жоопкерчилигине тартылганы аныкталган.

Натыйжада ал кармалып, убактылуу кармоочу жайга киргизилген. Учурда тергөө иштери уланууда.

Автор: Кылымбек Бейшеев
Фото: Ленин РИИБ