Трамп Зеленский Орусия менен келишимге даяр экенин айтып, Байдендин 78 чечимин жокко чыгарды

АКШнын президенти Дональд Трамп инаугурациядан кийин журналисттердин суроолоруна жооп берип жатып Владимир Зеленский Украинадагы жаңжалды жөнгө салуу боюнча келишим түзүүгө даяр экенин айтып, бирок кандай шарттарда экенин тактаган жок. Бул туурасында чет элдик басылмалар жазышты.

Ал Орусиянын президенти Владимир Путинди келишим түзүүгө даяр болууга чакырды, анткени бул Орусиянын кызыкчылыгына туура келет деп эсептейт.

Трамп журналисттердин суроолоруна жооп берип жатып Орусиянын президенти менен жакында жолугуша тургандыгын айтты. Ошондой эле Орусия менен Украинанын ортосунда келишпестик орун албаш керек болчу деген оюн да билдирген.

Мындан тышкары Трамп мурунку өлкө башчысы Жо Байдендин учурунда кабыл алынган 78 чечимди, анын ичинде аткаруу буйруктарын, меморандумдарды жана башка чараларды жокко чыгарган буйрукка кол койду.

Трамп ошондой эле федералдык агенттиктерге азыркы администрация өкмөттү толук көзөмөлгө алганга чейин жаңы жоболорду чыгарууга тыюу салган "регулятивдик тоңдурууну" киргизди. Алардын арасында бардык федералдык кызматкерлерди дароо кызматына кайтып келүүнү талап кылган аткаруу буйругу да кире тургандыгы айтылган.