Баткенде Кыргызстан менен Тажикстан жарандары чогуу айлана-чөйрөнү тазалашты (фото)

Баткен облусунда эки элдин ортосунда тазалоо иштери жүрүп, милиция коопсуздукту көзөмөлдөдү. Бул тууралуу Баткен облустук ички иштер башкармалыгы кабарлады.

Маалыматка ылайык, Баткен районунун Кара-Бак айыл аймагынын Кызыл-Бел айылы менен Тажикстандын Согди облусунун Исфара районунун Гулистан айылынын ортосунда чектешкен аймакка эки элдин жашоочулары чыгып, айлана-чөйрөнү тазалоо иштерин жүргүзгөн.

Бул тазалоо иштеринде эки элдин милиция кызматкерлери коомдук тартипти жана коомдун коопсуздугун толугу менен көзөмөлдөп, укук бузуу фактылары катталган жок.

Автор: Азат Бейшенбеков