|
Абу Ханифа
|
– ханафий мазхабынын негиздөөчүсү, ислам дин аалымы
|
|
Авеста
|
– зороастрийлердин ыйык китеби
|
|
Адвентисттер
|
– Иса пайгамбардын акыр заманда келүүсүн күткөн, Адвентизм диний кыймылын улантуучулар
|
|
Ади Грантх
|
– сикхизмдеги ыйык китеп
|
|
Азраил
|
– жан алуучу периште
|
|
Арз мавуд
|
– иудаизмде ыроолонгон жер
|
|
Армагеддон
|
– акыр заманда боло турган улуу согуш
|
|
Ахит
|
– христиан дининдеги Библиянын биринчи бөлүгү
|
|
Ахриман
|
– зороастризмдеги жаман рухтар кудайы
|
|
Ахура Мазда
|
– зороастризмдеги жогорку кудай
|
|
Ашура
|
– исламдагы Мухаррам айынын онунчу күнү
|
|
Биат
|
– убадага бекем болуу, кол алышуу менен бекемделет
|
|
Библия
|
– христиан дининдеги ыйык жазуу
|
|
Брахман
|
– индуизмдеги ааламдын жаратуучусу
|
|
Будда
|
– буддизмдин негиздөөчүсү
|
|
Важиб
|
– исламдагы милдеттүү аткарыла турган өкүмдөрдүн бири
|
|
Валаят
|
– ыйыктыктын руханий макамы
|
|
Вафтиз
|
– сууга чөмүлдүрүү аркылуу христиан динин кабыл алуу жөрөлгөсү
|
|
Вакф
|
– мусулман укугунда мамлекет же жеке адам тарабынан диний же кайрымдуулук максатында берилген мүлк
|
|
Гатха
|
– Заратуштра тарабынан жазылган китеп
|
|
Гинза
|
– сабейлердин ыйык китеби
|
|
Гуру
|
– сикхизмдеги руханий лидерлер
|
|
Дахма
|
– зороастризмдеги өлүктү таштай турган жер
|
|
Дианетика
|
– саентологияда жан менен дененин аң-сезим аркылуу өз ара аракеттенүүсү жөнүндө китеп
|
|
Диофизит
|
– Исанын инсандык жана кудайлык кош табиятына ишенүү
|
|
Евхаристия
|
– христиан динине тиешелүүлүктүн сырдуулугу
|
|
Жебреил
|
– пайгамбарларга аянды жеткирген периште
|
|
Иоанн
|
– Христостун апостолдорунун бири
|
|
Жахаба
|
– Жахаба күбөлөрүнүн кудайынын ысымы
|
|
Жихад
|
– исламда ишеним үчүн салгылашуу
|
|
Забур
|
– Дауд пайгамбарга түшүрүлгөн ыйык китеп
|
|
Зухд
|
– Аллах үчүн кечилдик жашоо кечирүү
|
|
Икона
(сыйынуу предмети)
|
– христиан дининде кудайдын, ыйыктын же ыйыктардын боёк менен тартылган картина түрүндөгү ыйык сүрөтү
|
|
Евангелие (Инжил)
|
– Исага түшүрүлгөн ыйык китеп
|
|
Инкарнация
|
– христиан дининде рухтун, жандын материалдык денеге айлануусу
|
|
Инфак
|
– исламдагы кайрымдуулук кылуу
|
|
Ирфан
|
– мистикалык тажрыйба аркылуу руханий илим алуу
|
|
Исрафил
|
– кыямат күндө сурнай тартуучу периште
|
|
Ихлас
|
– Аллахка чын пейилден ибадат кылуу
|
|
Ихсан
|
– кудай көрүп жаткандай ибадат кылуу
|
|
Йом Кипур
|
– еврейлердин Күнөөдөн арылуу күнү
|
|
Карма
|
– чыгыш диндеринде жасаган жоруктар үчүн кайрым
|
|
Католицизм
|
– христиан дининдеги үч башкы багыттын бири
|
|
Кипа
|
– еврейлердин баш кийими
|
|
Собор
(Консил)
|
– христиан диний ишмерлеринин чогулушу
|
|
Кошер
|
– иудаизмде уруксат берилген предметтер жана тамак-аш
|
|
Крещение (Чокундуруу)
|
– суу аркылуу христиан динин кабыл алуу жөрөлгөсү
|
|
Кришна
|
– индуизмдеги куткаруучу кудай
|
|
Макрух
|
– исламдагы кылынуусу жактырылбаган амалдар
|
|
Мессия (Масих)
|
– динге ишенгендердин куткаруучусу
|
|
Матуриди (Абу Мансур аль-Матуриди)
|
– матуридий мектебинин негиздөөчүсү
|
|
Махр
|
– никелешүү учурунда эркек аялына бере турган белек
|
|
Махрам
|
– исламда никелешүүгө уруксат берилбеген жакын тууган
|
|
Микаил
|
– табият кубулуштарын башкарган периште
|
|
Миллениум
|
– христиан дининде акыр заманга чейинки миң жылдык бактылуу жашоо
|
|
Миссионер
|
– динди жайылтуучу адам
|
|
Монах
|
– диний коомдун кечилдик жашоо кечирүүгө убада берген мүчөсү
|
|
Мубарак
|
– берекелүү, куттуу
|
|
Мунзавий
|
– обочо жашаган адам
|
|
Мунит
|
– Муна сектасынын мүчөсү
|
|
Муслим
|
– ислам динин тутунган адам
|
|
Мута
|
– шииттерде убактылуу никелешүү
|
|
Мухажир
|
– Меккеден Мединага ислам үчүн көчүп баргандар
|
|
Мухтади
|
– туура жолду тапкан адам
|
|
Нанак (Гуру Нанак)
|
– сикхизм дининин негиздөөчүсү
|
|
Нафил (Напил)
|
– исламдагы ыктыярдуу амалдар
|
|
Нирвана
|
– чыгыш диндеринде жогорку абал
|
|
Опус Деи
|
– католик диний кыймылы
|
|
Ортодокс
|
– христиан дининин ири багыттарынын бири
|
|
Павел (Пабыл)
|
– Христостун апостолдорунун бири
|
|
Пасха
|
– Христостун кайрадан тирилүүсүн эскерүү майрамы
|
|
Патриарх (Патрик)
|
– чиркөөнүн диний лидери
|
|
Поп
|
– христиан дин ишмери
|
|
Протестантизм
|
– XVI кылымда келип чыккан христиан багыты
|
|
Рейки
|
– руханий энергияга байланышкан диний агым
|
|
Рош ха-Шана
|
– еврейлердин Жаңы жылы
|
|
Сабий
|
– Гинза китебине таянган динди улантуучулар
|
|
Саентология
|
– Рон Хаббард негиздеген диний окуу
|
|
Сажда
|
– исламда ибадат кылуу учурунда чекени жерге тийгизүү
|
|
Сакофат
|
– араб тилинен которгондо маданият дегенди түшүндүргөн термин
|
|
Сакрамент
|
– христиан дининдеги негизги жөрөлгөлөр
|
|
Самсара
|
– чыгыш диндеринде кайра жаралуу цикли
|
|
Саошьянт
|
– зороастризмде кыяматка жакын келе турчу куткаруучу
|
|
Сатья Саи Баба
|
– Саи Баба диний кыймылынын негиздөөчүсү
|
|
Силсила
|
– рухий билимди улантуучу мураскорлук
|
|
Синагога
|
– иудейлердин сыйынуу жайы
|
|
Саввов (Сооп)
|
– кудай тарабынан жакшы иштер үчүн ыйгарылуучу сыйлыктар
|
|
Суккот
|
– иудейлердин шалаш майрамы
|
|
Тавассуль
|
– кудайга ортомчу аркылуу кайрылуу
|
|
Тагут
|
– жалган кудайлар жана сыйынуу объекттери
|
|
Тазкия
|
– жан дүйнөнү кемчиликтерден арылтуу
|
|
Таяммум
|
– суу жок болгон учурда топурак менен даарат алуу
|
|
Такыйя
|
– өзүн сактап калуу үчүн ишенимди жашыруу
|
|
Талит
|
– иудаизмде сыйынуу учурунда жамынган кийим
|
|
Талмуд
|
– иудаизмдин диний мыйзамдарын жөнгө салуучу ыйык текст
|
|
Танасух
|
– өлгөндөн кийин жандын башка денеге өтүүсү
|
|
Танах
|
– иудаизмдеги ыйык жазуу
|
|
Дао (Тао)
|
– Ааламдагы нерселердин табигый тартиби
|
|
Үчилтик (Таслис)
|
– Үчилтик кудай: Ата, Уул жана Ыйык рух жөнүндө окуу
|
|
Таухид
|
– жалгыз Кудайга болгон ишеним
|
|
Тафаккур
|
– ой жүгүртүү, талдоо жана талкуу
|
|
Тафсир
|
– Куранды чечмелөөгө багытталган илим
|
|
Тфилин
|
– сыйынууда колдонулуучу, Тоораттан алынган тексттер жазылган кичинекей кутучалар, сыйынуу учурундагы кийимдин элементи болуп саналат
|
|
Тора (Тоорат)
|
– Муса пайгамбарга берилген ыйык жазуу
|
|
Тотем
|
– ыйык маани ыйгарылган объекттер же заттар
|
|
Трипитака
|
– буддизмдин үч бөлүктөн турган ыйык жазуу
|
|
Увей
Упанайана
|
– даосизмде кечилдик жашоо кечирүү
– индуизмге кабыл алуу жөрөлгөсү
|
|
Апостолдор (Хаварий)
|
– Иса пайгамбардын алгачкы шакирттери
|
|
Хаж
|
– Зуль-хижа айында Меккеге зыярат кылуу
|
|
Хадис
|
– Мухаммед пайгамбардын насааттары
|
|
Халиф
|
– ислам коомчулугун башкарууда пайгамбардын мураскору
|
|
Халифат
|
– исламдык мамлекет
|
|
Хахам
|
– иудаизмдеги диний лидер
|
|
Химар
|
– исламда аялдар үчүн башына салынуучу жоолук
|
|
Христос
|
– христиан дининдеги куткаруучу
|
|
Церковь (Чиркөө)
|
– христиандардын сыйынуучу жайы
|
Юридикалык жактын фирмалык аталышында колдонууга жол берилбеген диний мүнөздөгү сөздөрдүн, терминдердин жана алардын аныктамаларынын тизмегин бекитүү жөнүндө Министрлер кабинетинин токтому кабыл алынды. Бул тууралуу бүгүн, 23-январда өкмөттүн басма сөз кызматынан билдирди.
