Депутат Акаев кыргызча мультфильмдерди тартууга каражат бөлүүнү сунуштады

Жогорку Кеңештин депутаты Жанар Акаев кичинекей балдардын кыргыз тилин өздөштүрүүсүнө салым кошуу үчүн кыргызча мультфильмдерди тартууну сунуштады. Бул тууралуу ал бүгүн, 28-январда парламентте айтты.

Конституциялык мыйзамдар, мамлекеттик түзүлүш, сот-укук маселелери боюнча комитет бүгүн Мамлекеттик тил жана тил саясаты боюнча улуттук комиссиянын маалыматын укту.

Анда эл өкүлү "Кыргызтест" мекемесинин материалдык-техникалык базасын жакшыртуу зарылдыгына көңүл буруп, мультфильмдерди тартууга каражат бөлүү, мамлекеттик тилдеги контенттин көлөмүн көбөйтүү маселелерин белгиледи.