УКМК Оштогу "Хизбут-Тахрир” уюмуна мүчө болгондорго тинтүү жүргүздү

Ош облусунда “Хизбут-Тахрир” диний экстремисттик уюмунун активдүү мүчөлөрү жашаган 7 жерде тинтүү иштери жүргүзүлдү. Бул тууралуу УКМК кабарлады.

Ыкчам-иликтөө иш-чараларынын натыйжасында тыюу салынган экстремисттик адабияттар жана буюмдар (88 китеп, 7 телефон, 13 дептер, 2 планшет, видеокассета жана банк картасы) табылган.

Табылган буюмдар Юстиция министрлигине караштуу Мамлекеттик соттук-эксперттик кызматына дин таануу экспертизасына жөнөтүлдү.

Экспертизанын жыйынтыгы боюнча кылмыш ишинин катышуучуларына карата кылмыш-жаза мыйзамдарына ылайык чаралар көрүлөт.

Автор: Азат Бейшенбеков