Кыргызстандын бир катар кызмат адамдары ЖККУнун сыйлыктары менен сыйланышты (тизме)

Кыргызстандын бир катар кызмат адамдары ЖККУнун сыйлыктары менен сыйланышты. Бул тууралуу бүгүн, 12-февралда президенттин басма сөз кызматынан билдирди.

Маалымдалгандай, 28-ноябрда Астана шаарында кол коюлган Жамааттык коопсуздук келишим уюмунун (ЖККУ) Жамааттык коопсуздук кеңешинин чечимине ылайык, Коопсуздук кеңешинин катчысы Марат Иманкулов өлкөдөгү бир катар кызмат адамдарына ЖККУнун сыйлыктарын тапшырды.

Уюмдун өнүгүшүнө жана бекемделишине кошкон зор салымы үчүн өлкөнүн министрликтеринин жана ведомстволорунун өкүлдөрү ЖККУнун I жана II даражадагы Ардак белгилери, ЖККУнун Ардак грамоталары, ошондой эле “Жамааттык коопсуздукту чыңдаганы үчүн” жана “Тынчтыкка бирге” медалдары менен сыйланышты.

ЖККУнун I даражадагы Ардак белгиси:

Марат Иманкулов – Коопсуздук кеңештин катчысы;
Муратбек Азымбакиев – президенттин администрациясынын тышкы саясат бөлүмүнүн башчысы;
Бактыбек Бекболотов – коргоо министри.

ЖККУнун II даражадагы Ардак белгиси:

Марат Маралбаев – УКМКнын Чек ара кызматынын директорунун биринчи орун басары – Башкы штабдын начальниги.

ЖККУ ЖКК Ардак грамотасы:

Жолдошбек Мамбеталиев – президенттин администрациясынын Кырдаалдык борборунун директору;
Тургунбек Дооронбеков – президенттин администрациясынын тышкы саясат бөлүмүнүн эксперти;
Асхат Муратканов – ИИМ ББ Экстремизмге жана мыйзамсыз миграцияга каршы күрөшүү кызматынын башчысы;
Абзалбек Эргешов – Коргоо министрлигинин Эл аралык аскердик кызматташтык башкармалыгынын тышкы байланыштар жана верификация бөлүмүнүн улук офицери.

"Жамааттык коопсуздукту чыңдаганы үчүн" медалы:

Ааламбек Арыков – УКМК Чек ара кызматынын Укуктук камсыздоо башкармалыгынын мыйзам чыгаруу иши бөлүмүнүн начальниги;
Айчүрөк Набиева – ИИМ МКББ ага инспектору.

Автор: Бек Оморбеков