Бишкекте профессионалдык бокс боюнча турнир өтөт

Бишкек шаарында 23-февраль күнү кыргыз мушкерлеринин катышуусунда Ала-Тоо бокс лигасынын 2-турнири өтөт.

Турнирдин негизги беттешинде кыргыз боксунун жылдызы Акжол Сулайманбек уулу коңшу өзбекстандык Мирзамухаммад Хикматуллоев менен кез келет. Андан тышкары дагы бир топ мыкты кыргыз мушкерлери рингге чыгат.

Кесипкөй бокс менен катар турнирде башка спорт түрлөрүнүн өкүлдөрү да шоу беттештерге катышат. Алардын катарында тай бокс боюнча дүйнө чемпиону Шерзод Кабутов, ММА жылдызы Тилек Машрапов жана бир топ мыкты мушкерлер бар.

Турнир 23-февраль күнү саат 19:00дө Каба уулу Кожомкул атындагы спорт ордосунда башталат.

Белгилей кетсек, Ала-Тоо бокс лигасынын 1-турнири 2024-жылдын 21-декабрында дагы Бишкекте өткөн. Анда күйөрмандар көптөгөн кызыктуу беттештерге күбө болушкан.

Автор: Азат Бейшенбеков