АКШнын мурдагы элчиси Дональд Трампты Сталиндин кыялын ишке ашырууда деп айыптады

АКШнын президенти Дональд Трамп Украинанын президенти Владимир Зеленский боюнча жасаган билдирүүлөрү менен Орусияга Иосиф Сталиндин кыялын ишке ашырууга жардам кылып жатат. Бул тууралуу The Hill басылмасы АКШнын Япониядагы мурдагы элчиси Рам Эмануэль билдиргенин жазды.

Анын айтымында, Орусия үчүн Сталин доорунан бери НАТОну бөлүү негизги максат болуп келген жана бул жаатта Трамп Москвага абдан маанилүү "актив" болуп жатат. Ошондой эле дипломат Кремль Вашингтон менен болгон акыркы сүйлөшүүлөргө ыраазы экенин белгилеген.

Буга чейин Дональд Трамп Зеленскийди шайлоо өткөрүүдөн баш тартканын диктатор деп сындаган жана аны жеңүү мүмкүн эмес болгон согушка АКШны каражат жумшоого көндүргөн деп айыптаган. Трамптын билдирүүсүнөн соң Улуу Британиянын премьер-министри Кир Стармер Зеленский менен телефон аркылуу сүйлөшүп, аны колдоого алган.

Автор: Кылымбек Бейшеев
Фото: Интернеттен алынды