Бишкекте аялын аёосуз сабоого шектелген жаран кармалды

Бишкекте аялын ур-токмокко алган жаран кармалды. Бул туурасында Свердлов РИИБинин басма сөз кызматы билдирди.

Маалымдалгандай, милицияга 19-февраль күнү А.Х. аттуу жаран арыз менен кайрылган. Анда ошол эле күнү саат болжол менен 21:30 чамасында жолдошу ур-токмокко алып, белгисиз курч буюм менен денесине жаракат келтиргендигин айткан.

Бул факт боюнча Кылмыш-жаза кодексинин 138-беренесине (Уруп-сабап, кыйноо) ылайык кылмыш иши козголгон. Тергөөнүн жүрүшүндө 1988-жылы туулган М.М. аттуу жаран үй-бүлөлүк зомбулук фактылары менее бир нече жолу жоопкерчиликке тартылганы аныкталган.

Учурда кармалган жаран убактылуу кармоочу жайга киргизилди. Тергөө уланууда.

Автор: Замира Ниязбекова