Менчик окуу жайларга лицензия берүүгө убактылуу мораторий киргизилиши мүмкүн

Билим берүү жана илим министрлигине жеке менчик жогорку окуу жайларды лицензиялоого убактылуу мораторий жарыялоо тапшырылды. Бул тууралуу кечээ, 21-февралда өткөн президенттин аппаратынын коллегиясында белгилүү болду.

Коллегиянын жүрүшүндө министрлер кабинетинин төрагасы Адылбек Касымалиев бир катар тапшырмаларды берди:

лицензиялоонун бирдиктүү мамлекеттик платформасын киргизүү;
аккредитациялоо боюнча чечимдерди карап чыгуу;
аккредитациялоо жол-жоболорун өркүндөтүү;
аккредитациялоочу агенттиктердин стандарттарын жана жол-жоболорун оптималдаштыруу;
агенттиктерге каршы санкцияларды катаалдаштырууну кароо;
Министрликтин бардык бөлүмдөрүндө санариптик контролдоо механизмдерин киргизүү, лицензиялык жана контролдоо боюнча милдеттерди аткарбаган кызматкерлерге тартиптик жаза чараларын колдонуу, министрликтин тиешелүү бөлүмдөрүндө кызматтык иликтөө жүргүзүү.