Зеленский Украинада президенттик шайлоо качан болорун айтты

Украинанын президенти Владимир Зеленский өлкөдө президенттик шайлоо качан болорун айтты. Ал кечээ, 23-февралда Киевде пресс-конференция өткөргөн.

"Украинада президенттик шайлоо аскердик абал алынгандан кийин өтөт", - деген анда Зеленский.

Украин лидери белгилегендей, АКШ президенти Дональд Трамп 2025-жылы согушту токтотууга умтулууда.

"Бул алардын эле максаты", - деп кошумчалаган ал.

Анын айтымында, ал америкалык президент аны "диктатор" деп атаганы үчүн таарынбайт.

"Диктатор болгондор гана диктаторго таарынышат", - деген Зеленский.

Украинада президенттик шайлоо 2024-жылдын март айынын аягында өтүшү керек болчу, бирок аскердик абалга байланыштуу өткөрүлгөн эмес. Зеленскийдин 5 жылдык президенттик мөөнөтү 2024-жылы май айында аяктаган. 18-февралда Трамп Украинада шайлоо өткөрүүгө чакырып, ошондой эле 3 жылдык согуш үчүн Зеленскийди айыптаган.

Автор: Азат Бейшенбеков