"Ордуларынан секирип". Токмокто Биволдун күйөрмандары беттешти чоң экрандан көрүштү (видео)

Токмок шаарынын тургундары суука карабай Дмитрий Биволдун беттешин чоң экранда көчөдө көрүштү. Алардын видеосу социалдык тармактарга тарады.

Шаар тургундары көчөдөгү чоң экрандан түнү менен Бетербиев-Бивол беттешин күтүп, анан беттешти көрүшкөн. Калыстар Биволду жеңүүчү деп тапканда шаар тургундары ордуларынан секире сүйүнүшкөн.

Кечээ, 23-февралга караган түнү Бивол орусиялык абсолюттук жеңил салмактагы дүйнө чемпиону Артур Бетербиев менен болгон реванш беттешинде жеңишке жетип, абсолюттук дүйнө чемпиону аталды.

Эки мушкердин бири-биринин үстүнөн бирден жеңиши бар. Алардын үчүнчү беттешин ушул жылдын аягына чейин өткөрүү пландалууда.