Өзгөчө кырдаалдар министрлиги кыргызстандыктарга шашылыш кайрылуу жасады

Кыргызстанда тоолуу райондордо кар жаап, жолдор тайгак болуусу күтүлүүдө. Бул тууралуу Өзгөчө кырдаалдар министрлиги маалымдады.

"Узакка созулган аномалдуу жылуу жана кургак аба ырайынан кийин 26-28-февралдарда аба ырайынын кескин өзгөрүлүшү күтүлөт. Көпчүлүк аймактарда жаан, кар, тоо этектеринде жана тоолуу райондордо кар жаашы, айрым жерлерде жаан-чачын катуу жаашы күтүлөт.

Кээ бир жерлерде туман түшүшү мүмкүн. Жолдор тоңголок жана тайгак болуп, тоолуу аймактарда кар күрткүсү күтүлөт. Айрым жерлерде батыштан соккон шамалдын ылдамдыгы секундасына 15-20 метрге, Ысык-Көл акваториясында 19-24 метрге чейин жетиши мүмкүн", - деп билдиришти министрликтен.

Мындай аба ырайы унаа жолдордун абалын начарлатат, унаа, энергетика жана коммуналдык кызматтардын ишин жана жайыттарда малды кармоону кыйындатат.

Автор: Азат Бейшенбеков