УКМК: "Ош жана Баткен облустарында баңгизатын таратуучу канал токтотулду"

Ош жана Баткен облустарында өзгөчө ири өлчөмдө баңгизатын сактап жана сатып жүргөн уюшкан кылмыштуу топтун мүчөсү кармалды. Бул туурасында УКМКнын маалымат борбору билдирди.

Маалымдалгандай, 1988-жылы туулган А.А. аттуу жаран уюшкан кылмыштуу топтун активдүү мүчөсү катары Ош облусунун аймагында баңгизат сатуу менен алектенгени аныкталган.

"Тергөө иштеринин жүрүшүндө контролдук сатып алуулар жүргүзүлдү. Соттук-химиялык экспертизанын корутундусуна ылайык, алынган зат жалпы салмагы 1 килограммга жакын гашиш болуп чыкты. Ушул жылдын 17-февралында биргелешкен ыкчам-издөө иш-чараларынын жүрүшүндө шектүү Баткен шаарынын аймагында кармалды", - деп белгиленген маалыматта.

Учурда башка тиешеси бар адамдарды аныктоо боюнча тиешелүү ыкчам-иш-чаралар жүргүзүлүүдө.

Автор: Замира Ниязбекова
Фото: УКМКнын маалымат борбору