МинКаб башчысы Касымалиевди Астанада Олжас Бектенов тосуп алды

Министрлер кабинетинин төрагасы Адылбек Касымалиев Казакстандын Астана шаарына расмий сапары менен барды. Өкмөт башчыны Казакстандын премьер-министри Олжас Бектенов тосуп алды.

МинКабдан билдиришкендей, расмий сапардын жүрүшүндө Касымалиев Казакстандын президенти Касым-Жомарт Токаев, ошондой эле премьер-министр Олжас Бектенов менен жолугат.

Мындан тышкары бир катар объекттердин ишмердүүлүгү менен таанышып, сүйлөшүүлөрдү жүргүзөт.

Белгилей кетсек, Адылбек Касымалиевдин Министрлер кабинетинин төрагасы болуп дайылдалгандан бери чет мамлекетке биринчи расмий сапары.

Автор: Айжанар Рыспек кызы
Фото: министрлер кабинети