Бишкекте адам өлтүрүүгө шектелип 6 киши кармалды

Бишкекте адам өлтүрүүгө шектелип 6 жаран кармалды. Бул тууралуу бүгүн, 25-февралда шаардык милициядан билдирди.

Маалыматка ылайык, 20-февралда Биринчи май райондук ички иштер башкармалыгына Ала-Арча суу сактагычынын жанында Лесное айылы тарапта белгисиз адамдын жансыз денеси жаткандыгы тууралуу билдирүү келип түшкөн. Окуя болгон жерге ыкчам-тергөө тобу барган уучурда маалымат тастыкталып, каза болгон жаран мурда бир нече жолу соттолгон 1981-жылы туулган А.А. экени аныкталган.

Аталган факт боюнча Кылмыш-жаза кодексинин 122-беренеси (Адам өлтүрүү) менен кылмыш иши козголгон. Ыкчам-тергөө иш-чараларын жыйынтыгында, 1995-жылы туулган Б.И., 2004-жылы туулган Б.С., 2002-жылы туулган Б.Ч., 1999-жылы туулган Т.К., 1996-жылы туулган А.Т., 1996-жылы туулган К.А. аттуу шектүүлөр кармалып, убактылуу кармоочу жайга киргизилди.

Учурда маркумдун өлүмүнүн так себептерин аныктоого багытталган бардык зарыл экспертизалар дайындалды. Тергөө иштери уланууда

Автор: Бек Оморбеков
Фото: Бишкек ШИИББ