Бишкекте сойкулук менен алектенген 150 кыз милицияга жеткирилди

Бишкекте "Притон" аталышындагы рейддик иш-чара жүргүзүлдү. Бул тууралуу бүгүн, 26-февралда шаардык милициядан билдирди.

Маалыматка ылайык, Бишкек ШИИББи менен УКМКнын кызматкерлери өткөргөн интимдик кызмат көрсөткөн кыздарды аныктоо боюнча профилактикалык иш-чаралардын алкагында, сауналар, мейманканалар, батирлер текшерилди.

Жыйынтыгында интимдик кызмат көрсөтүү менен алектенген 150дөй кыз милиция бөлүмдөрүнө жеткирилип, профилактикалык сүйлөшүүлөр жана тиешелүү тергөө иш-чаралары жүргүзүлдү.

Мындан тышкары рейд учурунда 166 ар кандай кылмыштын бети ачылган, дайынсыз жоголгон 9 адам табылган жана Укук бузуулар кодексинин 109²-беренесине (Сойкулук менен алектенүү) ылайык 10 административдик протокол түзүлгөн.

Автор: Бек Оморбеков