Ошто жазгы үч айлыкта 1 миллион сомго мыктылар аныкталат

Ош шаарында көрктөндүрүү жана жашылдандыруу боюнча жазгы үч айлык жарыяланып, мыктыларга 1 миллион сом бөлүнөт. Бул туурасында кечээ, 27-февралда штабдын биринчи отурумунда маалым болгонун муниципалитеттин маалымат кызматы билдирди.

Маалымдалгандай, жыйынга шаар башчысы Жеңишбек Токторбаев, шаардык кеңештин төрагасы Болот Баетов, мекеме-ишканалардын, муниципалдык аймактык башкармалыктардын жетекчилери катышып, айлана-чөйрөгө кам көрүү боюнча сөз болду.

Жазгы үч айлыктын жыйынтыгы төмөндөгү номинациялар боюнча чыгарылат:

- Мыкты муниципалдык жана айылдык аймактык башкармалыгык;

- Мыкты көп кабаттуу үй;

- Мыкты социалдык мекеме;

- Мыкты муниципалдык ишкана;

- Мыкты көчө;

- Шаардын көрктөндүрүүсүнө көмөк көрсөткөн жеке менчик ишкана.

Жогоруда белгиленген номинациялар боюнча мыктыларга соңунда мэрия тарабынан 1 миллион сом бөлүп бериле тургандыгы маалыматта кошумчаланган.