Бишкекте куралдуу кылмыш жасоону көздөгөн делип чет элдик кармалды (видео)

Бишкекте куралдуу кылмыш жасоону көздөгөн деп шек саналган 30 жаштагы чет өлкөнүн жараны кармалды. Бул тууралуу Ички иштер министрлиги билдирди.

Маалымдагандай, ИИМдин Кылмыш иликтөө башкы башкармалыгынын кызматкерлери аталган жаран курал-жарак менен камсыз болгонун жана кылмыш жасоону көздөп жүргөнүн аныкташкан. Факты боюнча кылмыш иши козголуп, тергөө иштери башталган.

Тергөөнүн жүрүшүндө шектүүнүн жашаган жери тинтүүгө алынып, РГД-5 үлгүсүндөгү граната, Калашников автоматынын жана Макаров тапанчасынын октору, СИМ-карталар, банк карталар жана шек жараткан китептер табылган.

ИИМ кармалган шектүү убактылуу кармоочу жайга киргизилгенин, учурда тергөө иштери уланып жатканын кошумчалады.