Араванда баңгизатын мыйзамсыз түрдө сактаган жаран кармалды

Ош облусунун Араван районунда баңгизатын мыйзамсыз түрдө сактаган жаран кармалды. Бул туурасында Ош ОИИБинин басма сөз кызматы билдирди.

Маалымдалгандай, аталган райондо “Үй-бүлө” аталышындагы рейддеги кыдыруу учурунда айыл тургунунун үйүнүн короосунда шек туудурган өзгөчө жыты бар кургатылган өсүмдүктөр табылган.

Бул факт боюнча Кылмыш-жаза кодексинин 283-беренесинин (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) негизинде кылмыш иши козголгон.

Шектүү катары Төө-Моюн айыл аймагына тургуну 1972-жылы туулган К.К., аттуу жаран кармалып, убактылуу кармоочу жайга киргизилди.

Тинтүү учурунда 2 килограммга жакын болгон кургатылган өсүмдүктөр алынган. Учурда тергөө амалдары уланууда.