Айпери Медет кызы Тиранадагы мелдеште күмүш утту. Дагы кимдер ийгилик жаратты?

Албаниянын Тирана шаарында өтүп жаткан күрөш боюнча рейтингдик мелдештин финалында кыргыз балбан кызы Айпери Медет кызы америкалык Даймонд Гилфордго утулуп калды.

Беттеш 2:1 эсебинде жыйынтыкталып, кыргыз балбаны күмүш медалга ээ болду. Айпери жарым финалда украиналык Анастасия Алыпеваны 10:0го жеңген.

Мындан тышкары финалга чыккан Дөөлөтбек Чойбеков да күмүш медалга татыса, 63 килограмм салмактагы балбан Баяман Апилов колону багындырды.

Белгилей кетсек, Албаниянын Тирана шаарында күрөш (эркин, грек-рим жана кыз-келиндер күрөшү) боюнча рейтингдик турнир өтүп жатат. Анда өлкө намысын жалпы 33 спортчу коргоп жатат. Алардын төртөө кыздар. 26-февралда башталган мелдеш, бүгүн, 2-мартта жыйынтыктала тургандыгы айтылган.

Автор: Замира Ниязбекова