Кара-Көлдө 16 жаштагы өспүрүм өз жанын кыйгандыгы айтылды

Жалал-Абад облусунун Кара-Көл шаарында 16 жаштагы өспүрүм асынып каза болду. Бул тууралуу маалыматты SUPER.KG порталына Жалал-Абад ОИИБинин басма сөз кызматы тастыктады.

Маалыматка ылайык, 1-мартта саат 14:30 чамасында Кара-Көл ШИИБинин нөөмөт бөлүмүнө шаардык оорукананын "Тез жардам" кызматынан маалымат түшкөн. Анда 2009-жылы туулган А.А. аттуу өспүрүм асынып алганы кабарланган.

"Жансыз денеге сырттан кароо жүргүзүү учурунда денесинен эч кандай шек жаратуучу жарааттар аныкталган эмес", - деп билдирген милиция.

Ал эми өспүрүмдүн жакын туугандары арыз жазуудан жана соттук-медициналык экспертиза өткөрүүдөн баш тартышкан.

Ага карабастан аталган факт Кара-Көл ШИИБинин электрондук журналына катталып, тергөөгө чейинки териштирүү иштери башталганы айтылды.

Автор: Бурул Турусбекова