Касымалиев менен Вьетнамдын премьер-министринин жолугушуусунун расмий аземи болду

Ханой шаарындагы президенттик сарайда Вьетнамдын премьер-министри Фам Минь Тинь менен Министрлер кабинетинин төрагасы Адылбек Касымалиевдин жолугушуусунун расмий аземи болуп өттү. Бул тууралуу бүгүн, 6-мартта өкмөттүн басма сөз кызматынан билдирди.

Маалымдалгандай, анда эки өлкөнүн улуттук гимндери жаңырды. Өкмөт башчылары ардак кароолду кыдырып, бири-бирине расмий делегациялардын мүчөлөрүн тааныштырышты.

Андан соң Фам Минь Тинь менен Адылбек Касымалиевдин эки тараптуу жолугушуусу болду. Жолугушуунун алдында делегация башчыларынын биргелешкен сүрөткө түшүү аземи болуп өттү.

Автор: Бек Оморбеков
Фото: Министрлер кабинетинин басма сөз кызматы