Ошто Мерседес-Бенц-180ди уурдай качкан жаран колго түштү

Бүгүн, 6-мартта Ош шаардык милициясы калаада унаа уурдоого шектүү жаран кармалганын маалымдады.

Анда маалымдалгандай, милицияга 37 жаштагы шаар тургуну арыз менен кайрылып, Мерседес-Бенц-180 үлгүсүндөгү унаасын белгилсиз жарандар уурдап кеткенин айткан.

Милиция шектүүнү кыргыз-өзбек чек арасына жакын жайгашкан Сүрөө-Таш айылында кармаган. Анын кылмыштуу аракетине тиешелүү баа берүү үчүн тергөө кызматына өткөрүлүп берилди.

Шектүү Кара-Кулжа айылынын Кара-Кочкор айылынын 29 жаштагы тургуну. Ал буга чейин Ош шаарындагы кийим сатуучу дүкөндөрдөн кийимдерди уурдагандыгы үчүн издөөдө болгон Ө. уулу Ж. болуп чыкты. Шектүү мурда 2 ирет уурулук жасагандыгы жана Таласта унаа уурдай качкандыгы үчүн сот жообуна тартылган.

Арыз ээси көлүктүн ачкычын унаанын ичине калтырып кеткени кошумчаланды.

Автор: Айжанар Рыспек кызы
Фото: Ош ШИИБ