Алматыда жүргүнчү аэропорт кызматкерин барымтага алды

Казакстандын Алматы аэропортунда жүргүнчү имараттын ичиндеги кызматкерди бычак менен коркутуп, барымтага алды. Бул тууралуу казак басылмалары жазышууда.

Андагы маалыматка караганда, окуя бүгүн, 7-мартта саат 11:45 чамасында болгон.

"Авиациялык коопсуздук кызматынын кызматкерлери кишиден документтерди көрсөтүүнү талап кылганда, ал кызматкердин чачынан тартып, бычак менен коркута баштаган", - деп айтылат маалыматта.

Ал полиция жана күзөт кызматы тарабынан куралсыздандырылып, кармалган. Азыркы учурда бул боюнча укук коргоо кызматкерлери иш алып барууда.