Садыр Жапаров бажы кызматынын жетекчилерине тартиптик жаза берди

Бажы кызматынын төрагасы Алмаз Салиев баштаган жетекчилерге тартиптик жаза берилди. Бул тууралуу президенттин администрациясынан кабарлашты.

Президент Садыр Жапаров кол койгон тескемеге ылайык, Конституциянын 66, 70 жана 71-беренелерине, өкмөттүн 2020-жылдын 3-февралындагы № 52 “Кыргыз Республикасынын укук коргоо органдарынын тартиптик уставын бекитүү жөнүндө” токтому менен бекитилген Кыргыз Республикасынын укук коргоо органдарынын тартиптик уставынын 54-пунктунун “а” пунктчасына ылайык төмөнкүлөргө эскертүү түрүндө тартиптик жаза колдонулат:

– Финансы министрлигине караштуу Мамлекеттик бажы кызматынын төрагасы Салиев Алмаз Абдылдаевичке;

– Финансы министрлигине караштуу Мамлекеттик бажы кызматынын төрагасынын биринчи орун басары Кимсанов Улан Ашимовичке;

– “Ош” бажысынын башчысы Кожонов Тимурлан Акуновичке;

– “Нарын” бажысынын башчысы Алимов Нурбек Шакировичке.

Автор: Азат Бейшенбеков