Аргентинанын президенти өлкөсүндө үч күндүк аза күтүү жарыялады

Аргентинанын президенти Хавьер Милей Буэнос-Айрес провинциясынын түштүгүндө болгон суу ташкынында каза тапкандарга байланыштуу үч күндүк аза күтүү жарыялоо чечимин чыгарды.

"Президент Хавьер Милей өткөн жума күнү Баия-Бланка шаарында жана анын айланасында катуу селден каза болгон мекендештери үчүн үч күндүк улуттук аза күтүү жарыялайт", - деп айтылат президенттик аппараттын билдирүүсүндө.

Бийлик 7-мартта катуу жааган жамгырдан улам Баия-Бланка шаарында жана анын чет жакаларында суу ташкындары болуп, кеминде 16 киши набыт болгонун, 963 адам эвакуацияланганын маалымдады. Сел учурунда дайынсыз жоголгон эки баланы издөө иштери уланууда.

Автор: Кылымбек Бейшеев
Фото: Интернеттен алынды