Комитет жыйынында эттин баасы тууралуу айтылды (видео)

Күздөн баштап эттин баасы 80 сомдон 120 сомго чейин көтөрүлдү. Бул тууралуу айыл чарба министринин орун басары Самат Насирдинов Жогорку Кеңештин Агрардык саясат, суу ресурстары, экология жана регионалдык өнүктүрүү комитетинин бүгүн, 10-марттагы жыйынында айтты.

Насирдинов буга тоюттун баасы себеп болгонун, ошондой эле 2023-жылы кургакчылык болгонун эске салып өттү.

"Күздөн баштап орточо баа менен алганда эттин баасы 80 сомдон 120 сомго чейин көтөрүлдү. Биз, өзүбүз анализ жүргүзүп көрдүк. Бул 2023-жылы кургакчылык болуп, тоюттун баасына байланыштуу болгон", - деген ал.