Ысык-Атада 20 жаштагы Олесия Белоусова дайынсыз болууда

Чүй облусунун Ысык-Ата районунда 20 жаштагы Олесия Белоусова дайынсыз болуп изделип жатат. Бул тууралуу облустук милиция кабарлады.

Анда айтылгандай, Ысык-Ата РИИБине 10-мартта анын жакындары кайрылып, Олесия 7-мартта Киргшёлк айылынын Мичурин көчөсүндөгү үйүнөн чыгып кеткен бойдон дайынсыз болуп жатканын айтышкан.

Аталган факты райондук РИИБге каттоого алынып, тергөөгө чейинки текшерүү башталган.

Белгилери: бою 160-165 сантиметр, арыкчырай дене түзүлүштө, чачы кызылт-күрөң түстө.

Кийген кийимдери: жашыл күрмө, кара жынсы, кара түстөгү бут кийим.

Жогорудагы жаран тууралуу кандайдыр бир маалымат билгендер болсо төмөнкү номерлерге байланышып койсо болот: 0312 61-69-07, 03132 5-21-47 (нөөмөт бөлүмү).

Автор: Айжанар Рыспек кызы
Фото: Чүй ОИИББ