Зеленский Путиндин элдешүү жөнүндөгү билдирүүсүнө комментарий берди

Украинанын президенти Владимир Зеленский орус лидери Владимир Путиндин 30 күндүк элдешүү боюнча сөзүнө жооп берди. Бул тууралуу "Украинская правда" басылмасы жазды.

Анын пикиринде, орус лидери АКШнын президенти Дональд Трампка бул согушту улантууну каалай турганын түз айтуудан коркот.

"Ошондуктан алар Москвада убактылуу элдешүү идеясын эч нерсе иштебей тургандай же мүмкүн болушунча көпкө чейин иштебей тургандай кылганы жатышат", - деген ал.

Зеленский Путин көп учурда "жок" деп түз айтпай турганын, иш жүзүндө бардыгын кечеңдетип, нормалдуу чечимдерди кабыл алууда убакытты атайын кечеңдетерин дагы айтты.

"Биз эч нерсени татаалдаштырган шарттарды койбойбуз", - деди ал.

Украин президенти Путинге кысымды күчөтүүгө жана Украинага жардам бере турган антиорусиялык санкцияларды киргизүүгө чакырды.

"Биз Орусияны согушту токтотууга мажбурлоо үчүн америкалык өнөктөштөр, европалык өнөктөштөр, дүйнөдөгү тынчтыкты каалагандардын баары менен иштешүүнү улантабыз", - деп кошумчалады ал.

Кечээ, 13-мартта орус лидери бир шарт менен Украинадагы согуштук аракеттерди 30 күнгө токтотууга макул экенин билдирген. Путин бул кадам узак мөөнөттүү тынчтыкка алып келсе гана бул сунуштун кабыл алынарын баса белгилеген.

Автор: Азат Бейшенбеков