Жакында футбол майрам! "Ак шумкарлар" Бишкекте учурдагы Азия чемпиону менен ойнойт

Футбол боюнча Кыргыз улуттук курама командасы тарыхта алгачкы ирет чыккан Дүйнө чемпиондугуна тандап алуунун үчүнчү турдук оюндарынын алкагында Катар курамасын Бишкекте кабыл алат.

Оюн 25-март күнү саат 20:00дө башталат. Ал эми Дөлөн Өмүрзаков атындагы стадион күйөрмандар үчүн саат 18:00дө эшигин ачат.

Белгилей кетсек, бул 2025-жылдагы улуттук курама команданын өз үйүндөгү алгачкы беттеши.

Кошумча маалымат: Бул күнү күйөрмандар оюнга гана күбө болбостон, чыныгы кыргыз маданиятынын атмосферасын сезе алышат. Андан тышкары Рамазан айына туш келген бул майрамда көрүүчүлөр стадиондо ооз ачып, акысыз даам тата алышат.