Ошто 14 жаштагы бала мектепке кеткен бойдон дайынсыз жоголду

Кара-Суу районунда 14 жаштагы өспүрүм дайынсыз болууда. Бул тууралуу бүгүн, 17-мартта Ош ОИИБинен кабарлады.

Маалыматка ылайык, 15-мартта милицияга Мады айылынын 43 жаштагы тургуну арыз менен кайрылып, 2011-жылы туулган Мухамадазиз Юсупов аттуу уулу 14-март күнү мектепке кеткен бойдон үйгө кайтып келбегенин айткан.

Кийген кийимдери: үстүндө кара спорттук кийим, оң көкүрөгүндө БМВ унаасынын эмблемасы бар. (сүрөттөгү кийим).
Өзгөчө белгилери: чачы кара, өңү саргыч, боюнун узундугу 160-165 сантиметр.

Милиция өспүрүмдү көргөндөр болсо кабарлап коюуну өтүнөт. Байланыш номурлары: 0702 01 10 10, 0553 54 10 10.

Автор: Кылымбек Бейшеев
Фото: Ош ОИИБ