Төрт күндүн ичинде кыргыз-тажик чек арасынан канча адам өткөнү белгилүү болду

13-марттан 17-мартка чейин кыргыз-тажик чек арасынан жалпы 4891 адам өттү. Бул тууралуу Чек ара кызматы маалымдады.

"13-март саат 9:00дөн 17-март саат 9:00гө чейинки аралыкта кыргыз-тажик мамлекеттик чек арасы аркылуу 4891 адам өттү. Анын ичинен: "Кайрагач-автожол" 3755 адам, “Кызыл-Бел - автожол” 659 адам. Кыргызстандан Тажикстанга кайра учак менен 477 адам учуп кеткен", - деп билдиришти аталган кызматтан.

Белгилей кетсек, Тажикстандын президенти Эмомали Рахмон 12-мартта Кыргызстанга эки күндүк иш сапары менен келген. Анын алкагында президент Садыр Жапаров менен биргеликте чек араны тактоо боюнча келишимге кол коюшкан.

Автор: Азат Бейшенбеков