"Кереги жок, алдыргыла!". Оштогу жол бою мыйзамсыз курулуштарга толгон Касымбеков көчөсү тазаланууда (видео)

Ош шаарынын мэри Жеңишбек Токторбаевдин кезектеги рейди Касымбеков көчөсүндө болду. Бул туурасында мэриядан кабарлады.

Маалымдалгандай, шаар башчысы буга чейин берген тапшырмаларынын аткарылышын текшерип жүрөт. Анда Токторбаев кызыл сызыктагы курулуштардын бирин калтырбай бузуу тапшырмасын кайталады.

Аталган көчөдө жеңил курулуштарга тамактануучу жайлар ачылып, темир-тезек сатылуучу базарга айланып бара жаткан. Учурда бизнес ээлерине бузуп кетүү боюнча эскертмелер берилген.