"Чыр-чатакка убакыт жок". Эрдоган Түркиядагы митингдер боюнча биринчи билдирүүсүн жасады

Түркиянын президенти Режеп Тайып Эрдоган Стамбулдун мэринин камакка алынышына байланыштуу өлкөдөгү массалык нааразылык акцияларынан кийин биринчи билдирүү жасады. Бул тууралуу Haber басылмасы жазды.

Эрдоган өз билдирүүсүндө оппозиция полиция менен сот органдарына саясий кысым көрсөтүп жатканын айтты.

Түрк лидери белгилегендей, Түркиянын оппозициялык күчтөрү "өзүнүн ички карама-каршылыктарын же мыйзам менен көйгөйлөрүн" өлкөнүн эң маанилүү көйгөйү катары көрсөтүүгө аракет кылууда.

"Жеке биз партия (Акыйкат жана өнүгүү) катары оппозиция менен урушканга убактыбыз жок. Биз өзүбүздүн ишибизге гана көз салып, көйгөйлөрдү чечүүгө жана максаттарыбызга көңүл буруп жатабыз. Оппозиция өзүнүн ички араздашуусун же мыйзам менен көйгөйлөрүн өлкө лидери менен жолугушууда эң маанилүү маселе катары көрсөтүүгө аракет кылып жатат", - деген Эрдоган мурдагы парламент менен ооз ачуу маалында.

Ал арада шаарда төрт күндүк демонстрацияларды өткөрүүгө тыюу салынып, жолдор жабылса да, өлкөдө нааразылык акциялары басыла элек. Президент Режеп Тайып Эрдогандын атактуу атаандашы болгон шаардын мэринин камакка алынышына нааразы болгон миңдеген адамдар кечээ кечинде Стамбулдун мэриясынын алдына дагы бир жолу чогулушту.

Белгилей кетсек, 19-мартта Стамбулда жана Түркиянын башка шаарларында Түркиянын лидери Режеп Тайып Эрдогандын алдыдагы президенттик шайлоодогу негизги атаандашы деп эсептелген шаардын оппозициячыл мэри Экрем Имамоглунун кармалышына нааразылык иретинде массалык демонстрациялар болгон.

Автор: Азат Бейшенбеков