Стамбулдагы митингде алты полиция кызматкери жаракат алды

Түркиянын Стамбул шаарындагы нааразылык акциясынын жүрүшүндө алты укук коргоо кызматкери жаракат алды. Бул тууралуу 20-мартта Түркиянын ички иштер министри Али Ерликая X социалдык тармагында билдирди.

"Бүгүн кечинде Сарачахандагы (Стамбул) демонстрацияларда алты полиция кызматкери жаракат алды. Өлкөбүздүн тынчтыгынын жана коопсуздугунун кепилдиги болгон полиция кызматкерлерибиз чагымчылдыкка сабырдуулук менен каршы чыгып, коомдук окуяларды кантип жөнгө салуу керектиги боюнча үлгүлүү мамилени көрсөтүп келишет. Биздин губернатор, полициянын начальниги, полиция кызматкерлери элибиздин тынчтыгы, коопсуздугу үчүн кызмат кыла берет. Жабыркаган полиция кызматкерлерибиздин тез сакайып кетишин каалайм", - деп жазган ал.

Айта кетсек, 19-20-мартта Стамбулда жана Түркиянын башка шаарларында Түркиянын лидери Режеп Тайып Эрдогандын алдыдагы президенттик шайлоодогу негизги атаандашы деп эсептелген шаардын Стамбулдун мэри оппозициячыл Экрем Имамоглунун кармалышына нааразылык иретинде массалык демонстрациялар болгон.

Түркиянын президенти Режеп Тайып Эрдоган өлкөдөгү нааразылык акцияларынан кийин билдирүү таратып, оппозиция полиция менен сот органдарына саясий кысым көрсөтүп жатат деген пикирин айткан.

Автор: Айжанар Рыспек кызы
Фото: интернеттен алынды