"Ракета". Өзбекстандык күйөрмандар кыргыз дарбазачысынын оюнуна суктанышты

Кечээ, 20-мартта Дүйнө чемпиондугуна тандап алуу оюндарынын алкагында футбол боюнча Кыргыз улуттук курамасы Ташкентте Өзбекстан менен конокто ойноп, 1:0 эсебинде жеңилген.

Бул оюндан кийин эле кыргызстандыктар эле эмес, коңшу өзбекстандык күйөрмандар дагы "Ак шумкарлардын" дарбазачысы Эржан Токотаевдин оюнун жогору баалашты. Бул оюнда Токотаев 8 сейв жасап, 1 пенальтинин мизин кайтарган.

Ошондой эле Токотаев Кыргызстан курамасынан беттештин мыкты оюнчусу болду.

"Кыргызстандын дарбазачысы эми Шомуродовдун түшүнө кирет";

"Кыргызстандын дарбазачысы абдан күчтүү экен";

"Токотаев ракета экен";

"Биз бир эле дарбазачыга каршы ойногондой болдук" деген пикирлерин жазышты өзбек футбол күйөрмандары.

Автор: Азат Бейшенбеков