Трамп АКШ президенттеринин галереясында өзүнүн портретин сынга алды

АКШнын президенти Дональд Трамп Колорадо штатынын Капитолий имаратында жайгашкан АКШнын президенттеринин портреттер галереясындагы өзүнүн сүрөтүн сынга алды. Бул тууралуу РИА Новости басылмасы жазды.

"Эч ким өзүнүн начар сүрөтүн же жарашыксыз портретин жактырбайт. Бирок Колорадо штатынын Капитолийине губернатор койгон сүрөт башка президенттердин портреттеринин жанында атайылап бурмалангандай көрүнөт. Мындайды мен буга чейин көргөн эмесмин", – деп жазган Трамп Truth Social соцтармагына.

Басылманын маалыматына ылайык, аталган портреттин автору сүрөтчү Сара Бордман болгон.

Автор: Айжанар Рыспек кызы
Фото: интернеттен алынды