Аламүдүн районунун прокурору 18-майга чейин камакта калтырылды

Пара талап кылууга шектелип кармалган Чүйдүн Аламүдүн районунун прокурору С.Ж. 18-майга чейин камакта калтырылды. Бул тууралуу Бишкектин Биринчи май райондук сотунан бүгүн, 24-мартта билдиришти.

Маалыматка ылайык, аны камакка алуу өтүнүчүн сотко Аскер прокуратурасынын Тергөө башкармалыгынын өзгөчө маанилүү иштер боюнча тергөө тобунун жетекчиси келтирген. Сот өтүнүчтү 20-мартта канааттандырган.

Ага ылайык, С.Ж. Бишкек гарнизонунун гауптвахтасында 18-майга чейин камакта калтырылды.

Айта кетсек, прокурор 20-мартта пара талап кылууга шектелип кармалганы маалымдалган.

Автор: Айжанар Рыспек кызы
Фото: УКМК