Ошто мыйзамсыз диплом берүү фактысы боюнча кылмыш иши козголду

Ош облусунда мыйзамсыз диплом берүү фактысы боюнча кылмыш иши козголду. Бул тууралуу Башкы прокуратура билдирди.

Маалыматка ылайык, Кара-Кулжа райондук прокуратурасы тарабынан билим берүү жаатындагы мыйзам талаптарынын сакталышы боюнча текшерүү жүргүзүлгөн.

"Анын жүрүшүндө райондун аймагында жайгашкан №109 кесиптик лицейинде иш жүзүндө окубаган, өлкө аймагында болбогон 10 студентке экзамендик баалар коюлуп, окууну аяктагандыгы тууралуу тийиштүү адистиктер боюнча мыйзамсыз дипломдорду берүү фактылары аныкталган", - деп жазылат анда.

Аталган фактылар боюнча Кылмыш-жаза кодексинин 337-беренеси (Кызмат абалынан кыянаттык менен пайдалануу) менен кылмыш иши козголуп, учурда тергөө жүрүп жатат.

Автор: Айжанар Рыспек кызы
Фото: Интернеттен алынды