Сокулукта үрөй учурган кырсык катталып, 17 жаштагы өспүрүм каза болду

Сокулук районунун Төмөнкү-Чүй айылында жол кырсыгы катталып, 17 жаштагы өспүрүм каза болду. Бул тууралуу бүгүн, 27-мартта Чүй ЖКККБдан билдиришти.

Маалыматка ылайык, кырсык 25-мартта саат 13:03 чамасында болгон.

Ал күнү Мерседес Бенц С180 үлгүсүндөгү унаанын айдоочусу катуу ылдамдыкта келе жатып рулга ээ боло албай карама-каршы багытта келе жаткан Шевролет Авео үлгүсүндөгү унаа менен сүзүшкөн. Натыйжада Шевролет Авеонун ичинде отурган 49, 46 жана 7 жаштагы жүргүнчүлөр аймактык ооруканага жаткырылган.

Мерседес Бенц С180дин 18 жаштагы айдоочусу Сокулук аймактык оорканасынын травматология бөлүмүнө жеткирилген. Ал эми 17 жаштагы жүргүнчү алган жаракатынан улам ооруканага жетпей каза болуп калган.

Автор: Айжанар Рыспек кызы