Садыр Жапаров Базар-Коргон районуна жаңы акимди дайындады

Талантбек Эдилов Жалал-Абад облусунун Базар-Коргон районунун акими болуп дайындалды. Бул тууралуу президенттин администрациясынан кабарлашты.

Тиешелүү тескемеге өлкө башчы Садыр Жапаров кол койгон.

"Эдилов Талантбек Расабекович Жалал-Абад облусунун Базар-Коргон районунун мамлекеттик администрациясынын башчысы - аким болуп дайындалды", - деп жазылат анда.

Буга чейин Талант Эдилов президенттин Талас облусундагы ыйгарым укуктуу өкүлүнүн биринчи орун басары болгон.

Автор: Азат Бейшенбеков