"Тактоо жүрүп жатат". ӨКМ да жер титирөө боюнча билдирүү жасады

Өзгөчө кырдаалдар министрлиги өлкө аймагында таңга жуук катталган жер титирөө боюнча билдирүү жасады.

Анда министрлик учурда тактоо иштери жүргүзүлүп жатканын белгиледи.

"Улуттук илимдер академиясынын Сейсмология институтунун такталган маалыматына ылайык, 28-март күнү саат 04:42де Казакстандын аймагында MSK-64 шкаласына ылайык очогунда 6 магнитудасына жеткен жер титирөө катталган.

Жер титирөө Талас облусунун Талас районунун Көпүрө-Базар айылында 6 балл, Бишкек шаарында болжол менен 4 баллга (Көпүрө-Базар айылынан 18 чакырым түндүктө, 135 чакырым түштүк батышка чейин сезилген.

ӨКМ тарабынан тактоо иштери жүргүзүлүүдө. Алдын ала маалымат боюнча жабыркагандар жана кыйроолор катталган жок. Кошумча маалымат берилет", - деп билдиришти ӨКМден.

Автор: Азат Бейшенбеков