Алматыдан Вьетнамга учуп бара жаткан учак кайра кайтып келди

Алматыдан Вьетнамга бара жаткан учак бир нече саат абада жүргөндөн кийин учуп кеткен аэропортуна кайтып келүүгө аргасыз болгон. Бул тууралуу казак басылмасы Tengrinews.kz жазды.

Маалыматка ылайык, "Air Astana" авиакомпаниясынын учагы 3 саат 28 мүнөт учуп, андан соң Алматыга авариялык конуу жасаган.

"28-мартта түнү учкан учак техникалык себептерден улам Алматы аэропортуна авариялык конууга мажбур болду. Терминалда рейсти күтүү учурунда жүргүнчүлөргө ысык тамак жана суусундуктар берилди. Ал эми каалаган жүргүнчүлөр мейманканаларга жайгаштырылды. Жүргүнчүлөр саат 07:15те башка учак менен көздөгөн жерине жөнөтүлгөн", - деп билдирген аталган авиакомпания.

Автор: Бурул Турусбекова