Садыр Жапаров Тажикстандын мамлекет башчысы менен тет-а-тет сүйлөшүүлөрүн өткөрдү (видео)

Бүгүн, 31-мартта президент Садыр Жапаров Худжанд шаарына болгон иш сапарынын алкагында Тажикстандын өлкө башчысы Эмомали Рахмон менен тет-а-тет форматында сүйлөшүүлөрдү өткөрдү. Бул туурасында мамлекет башчысынын маалымат кызматы билдирди.

Маалымдалгандай, эки өлкөнүн лидерлери эки тараптуу кызматташуунун, анын ичинде соода-экономикалык, энергетикалык жана маданий-гуманитардык тармактардагы өз ара аракеттенүүнүн кеңири чөйрөсүн талкуулашты.

"Тараптар жетишилген макулдашуулар кыргыз-тажик мамилелеринин жаңы этабын белгилеп, туруктуу тынчтык, экономикалык өнүгүү жана эки элдин ортосундагы ынак коңшулукту чыңдоо үчүн бекем пайдубал түзөрүнө ишеним билдиришти", - деп белгиленген маалыматта.