ӨКМ жер титирөө боюнча такталган маалымат таратты

Бүгүн, 31-мартта Бишкек шаарында жана Чүй облусунда жер титирөө катталды. Бул туурасында ӨКМдин маалымат борбору билдирди.

Маалымдалгандай, Сейсмология институтунун такталган маалыматына ылайык, 31-мартта саат 13:25те Кыргызстандын аймагында MSK-64 шкаласына ылайык очогунда (φ = 42° 31 с.ш.λ = 74° 57´в.д.) күчү 4 магнитудасына жеткен жер титирөө катталды.

"Жер силкинүү Чүй облусунун Ысык-Ата районунун Карагай-Булак айылында 3,5 балл, Бишкек шаарында 2,5 баллга (Карагай-Булак айылынан 15 чакырым түштүктө, Бишкек шаарынан 52 чакырым түштүк чыгышка) чейин сезилген. Алдын ала маалымат боюнча жер титирөөдөн жабыркагандар жана кыйроолор катталган жок", - деп айтылат маалыматта.

Автор: Замира Ниязбекова