Украина биринчи жолу Орусияга каршы Германиянын жаңы куралдарын колдонду

Украин армиясы жакында Германиядан алган HF-1 дронун жана ок-дарыларды биринчи жолу колдонду. Бул тууралуу "Военный обозреватель" Телеграм каналы билдирди.

Андагы маалыматка ылайык, Германиянын камикадзе дрондорун колдонуу Сумы аймагында болгон. Мындан башка маалымат берилген жок. Буга чейин маалымат каражаттары Киевге Германиядан дагы бир аскердик жардам пакети жөнөтүлгөнү тууралуу жазып чыгышкан. Бул жеткирүүгө бир нече жүздөгөн ок-дарылар кирген.

Алардан тышкары Германия Украинага 50дөн ашык MRAP унаасын, абадан коргонуу системалары үчүн он миңдеген ок-дарыларды, абадан коргонуу системалары үчүн ракеталарды, өзү жүрүүчү артиллерияны жана башка брондолгон машиналарды жана ок-дарыларды жөнөткөн.

Автор: Азат Бейшенбеков