“Манас” эпосу англис тилинде жарык көрдү

Манас улуттук академиясынын демилгеси менен Кыргыз Эл баатыры, драматург Бексултан Жакиев бир нече варианттардын негизинде иштеп чыккан эпостун кара сөз түрүндөгү варианты англис тилинде жарык көрдү.

Бул басылманын максаты — дүйнөлүк окурмандарга кыргыз элинин улуу мурасы болгон “Манас” эпосун кеңири таанытуу жана анын руханий-тарыхый маанисин жеткирүү.

"Китеп эл аралык окурмандар үчүн жеткиликтүү тилде жазылып, кыргыз маданиятын жана баалуулуктарын дүйнөгө жайылтууга багытталган.

Жаңыдан жарык көргөн басылма мазмуну жагынан да, сапаты жагынан да жогорку деңгээлде даярдалып, заманбап басма стандарттарына ылайык чыгарылды", - дешти Манас академиясынан.

Автор: Айжанар Рыспек кызы