Чүйдө баңгизатын даярдап, сатууга шектүү жаран аныкталды (видео)

Чүй облусунда сатуу максатында ири өлчөмдөгү баңгизатын мыйзамсыз өндүрүүгө шектелген жаран кармалды. Бул туурасында Чүй ОИИББинин маалымат кызматы билдирди.

Маалымдалгандай, Аламүдүн районунда белгисиз жарандар баңгизатын өндүрүп жаткандыгы боюнча милицияга маалымат келип түшкөн. Бул факт боюнча Кылмыш-жаза кодексинин 282-беренси (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) менен кылмыш иши козголгон.

Натыйжада 1981-жылы туулган Б.Ш. аттуу жаран кармалды. Үйүн тинтүү учурунда баңгизаттар жана ага тийиштүү шаймандар табылган.

Учурда тергөө иштери жүрүп жатат.